ఆశారామ్-శ్రీశ్రీ రవిశంకర్-జనం...ఎవరు నేరస్థులు?

ఇంతకీ ఎవరు నేరస్థుడు?!

మైనర్ బాలికను చెరిచాడని
ఆరోపణ ఎదుర్కొంటున్న
ఆశారామ్ అనే తెల్లగడ్డం మనిషా
లేక...

ఈ జనం క్షమామూర్తులు,
తప్పు ఒప్పుకుంటే క్షమించేస్తారు
అన్నశ్రీ శ్రీ  రవిశంకర్ అనే
ఆ నల్ల గడ్డం మనిషా?

నేరం రుజువయ్యేవరకూ
ఎవరూ నేరస్థుడు కాదు కనుక
ఆశారామ్ ప్రస్తుతానికి
నేరస్థుడు కాకపోవచ్చు

కానీ ఈ వెర్రి జనం మీద
విపరీతమైన నమ్మకంతో'
క్షమించేస్తారులే అన్న శ్రీశ్రీ రవిశంకర్
నా ఉద్దేశంలో
ఎటువంటి దర్యాప్తూ, విచారణా
అవసరం లేకుండానే
తేల్చి చెప్పగలిగిన
నేరస్థుడు!

ఆయన్ను కూడా అనుకోవడం
దేనికి లెండి
ఈ జనాల మధ్య 'జీవించే కళ'ను(art of living)
 ఔపోసన పట్టిన ఆ వ్యక్తి
అలాంటి సలహా ఇవ్వడంలో
ఆశ్చర్యం ఏముంది?

ఆశారామ్ కు ఇప్పటికే
రెండు కోట్ల మంది
భక్తులు ఉన్నారట
ఈ ఉదంతంతో
ఆ సంఖ్య నాలుగు కోట్లకు పెరగచ్చు

అసలు నేరస్తులు ఎవరో
ప్రత్యేకంగా చెప్పాలా?!